二、對話

 
對話讀音 :

陳中明:

李生,有冇嚟過呢度呀?呢間“金紫荊粵菜廳”好出名架。

李先生,來過這兒嗎?這間“金紫荊粵菜廳”很有名的。

李廣越:

以前嚟過會議展覽中心,仲喺金紫荊廣場影過相添。但係第一次嚟呢度食嘢。

以前來過會議展覽中心,還在金紫荊廣場照過相呢。但是第一次來這兒吃東西。

陳中明:

呢度啲點心好出名架,試吓啦?

這兒的點心很有名的,試一下吧。

李廣越:

好呀。呢度咁多人幫襯,啲嘢肯定唔錯。

好啊,這兒很多人來光顧,東西肯定不錯。

陳中明:

噉我哋嗌嘢食啦。唔該!

那我們叫東西吃吧。勞駕!

服務員:

要啲乜嘢呀?

要點什麼呢?

陳中明:

唔該攞餐牌嚟睇吓。你鍾意食啲乜嘢點心呀?

請把菜單拿來看一下。你喜歡吃點兒什麼點心呢?

李廣越:

至鍾意食蝦餃,同埋蛋撻。蘿蔔糕、馬蹄糕、鳳爪我亦都好鍾意。

最喜歡吃蝦餃和蛋撻。蘿蔔糕、馬蹄糕、鳳爪我也都很喜歡。

陳中明:

唔該,要籠蝦餃,一碟蛋撻。有冇蘿蔔糕同埋鳳爪呀?

勞駕,要一籠蝦餃,蛋撻一份。有沒有蘿卜糕和鳳爪啊?

服務員:

有。仲要啲乜嘢呢?

有。還要點兒什么呢?

李廣越:

夠喇,唔使點馬蹄糕喇,我驚食唔晒呀。

夠了,不用點馬蹄糕了,我怕吃不完啊。

陳中明:

好。鍾唔鍾意食生滾粥呀?

好。喜歡喝生滾粥嗎?

李廣越:

鍾意。我好耐冇食過喇。有冇柴魚花生粥呀?

喜歡。我很久沒喝過了。有柴魚花生粥嗎?

服務員:

唔好意思,賣晒。皮蛋瘦肉粥,好唔好呀?

不好意思,賣完了。皮蛋瘦肉粥,好嗎?

陳中明:

好,唔該快啲。

好的,請快點兒。


 
對話讀音 :

服務員:

你哋嘅點心嚟喇。慢慢食。

你們的點心來了。請慢用。

陳中明:

唔該。

謝謝。

陳中明:

你試吓?睇吓好唔好味?

你嘗嘗?看看味道怎么樣?

李廣越:

嘩,好正呀。

哇,很好啊。

陳中明:

下次再請你食馬蹄糕啦。

下次再請你吃馬蹄糕吧。
李廣越:

下次輪到我請。你鍾唔鍾意燒味呀?

下次輪到我請您。你喜不喜歡燒味啊?

陳中明:

都幾啦。 還挺喜歡的。

李廣越:

噉下次我哋一齊去中環食燒味啦。我鍾意燒鵝多啲,你呢?

那下次我們一起去中環吃燒味吧。我喜歡燒鵝多一些,你呢?

陳中明:

我都係。不過以前我鍾意燒鴨多過燒鵝。你鍾唔鍾意叉燒呢?

我也是。不過和燒鵝相比,以前我喜歡燒鴨多一些。現在全變了。你喜不喜歡叉燒呢?

李廣越:

鍾意。不過飯堂啲叉燒唔好食,味道麻麻哋。 喜歡。不過食堂的叉燒不好吃,味道一般。

陳中明:

飯堂係噉架喇。不過中大飯堂唔錯喇。 食堂是這樣的了。不過中大食堂不錯的了。

李廣越:

上次我哋去西貢食海鮮,幾好呀。幾時我哋再去呀? 上次我們去西貢吃海鮮,很不錯啊。什么時候我們再去?
陳中明: 換過第度啦。下次我哋去南丫島。其實香港啲小食都好多架,菠蘿包啦,雲吞麵啦,如果再加埋油炸鬼,就更加好喇。 換另一個地方吧。下次我們去南丫島。其實香港的小吃也很多的,菠蘿包啊,云吞面啊,如果再加上油條,就更好了。

李廣越:

係呢,點解叫做“菠蘿包”嘅?係唔係菠蘿做架? 對了,為什么叫做“菠蘿包”呢?是不是菠蘿做的?

陳中明:

唔係。個包外便係脆嘅,個樣似菠蘿,就叫“菠蘿包”囉。加埋牛油就係“菠蘿油”。 不是。包的外面是脆的,樣子像菠蘿,就叫“菠蘿包”了。那里面的黃油就是“菠蘿油”。

李廣越:

香港真不愧係“亞洲美食之都”,真係名不虛傳! 香港真不愧是“亞洲美食之都”,這是名不虛傳!

陳中明:

係呀,香港人有口福。你以後大把機會啦。今次我請! 對,香港人有口福。你以後有很多機會的。這次我請客!

李廣越:

噉下次食燒味,我請。 那下次吃燒味,我請客。

陳中明:

好!得閒再出嚟飲茶。 好!有空再出來喝茶。

李廣越:

早茶定係下午茶呀? 早茶還是下午茶?

陳中明:

隨便。 隨便。

李廣越:

好呀。 好。